2002年10月12日 土曜日 晴

今日好重要呀，因為要去坐叮噹列車呀，之前就先去函館朝市逛下，食下鮮甜0既新鮮即開海膽。



好緊張呀，去到車站諗住買飛坐叮噹海底漫遊列車，點知個職員話賣晒，死啦，點算呢，咁遠0黎函館都係為 左佢咋。跟住我地諗架車都係經吉岡海底站 (叮噹展覽館) 再去青森，我地搭車去青森，中途落車咪得0羅。 出到車站，原來今日有叮噹0係月台同我地影相，好興奮呀，架叮噹車好靚呀，好開心呀。開車啦，行左無幾耐 見到大雄，梗係又影相啦。去到吉岡海底站，點解唔開門0既？坐0係隔離個車長問『Doraemon？Doraemon？』，我地 猛點頭『係，係』，佢就帶我地去前面個指定席車廂，跟住佢就唔知講乜啦。好驚呀，佢會唔會唔俾我地落車0架? 大家都溝通唔倒，不過佢應該係問我地拎飛 (我地買唔倒果d)，佢地傾完一輪之後俾我地落車呀，真係好人喇 。呢個站只係一個叮噹展覽館，無路上地面0架。裡面好得意呀，有大雄間房啦，技安個雜貨舖啦，大雄間學校啦 ，仲有個舞台，有叮噹、大雄、靜宜、技安同工福唱歌添，好正呀！



之後就搭車去金森洋物館同西波子場，呢到都係賣手信同食海鮮0既，我地就0係到食lunch啦。跟住去東正教教堂 ，然後搭纜車上函館山諗住睇日落。不過時間仲好早，有排都未日落，都係返酒店休息一陣再去食飯。 今晚去食出名0既五島軒咖哩，去到要等位呀，可能星期六啦，呢到好似幾高級咁喎，我叫左個咖哩鴨，果然 好味。