2002年10月11日 金曜日 晴

今日晨咁早六點幾起身見到無雨落，即刻行去四季彩之丘睇花。雨就無啦，不過鬼死咁大霧，行到去果然好多 花，好靚呀，不過矇查查，影唔到相喎，我地見個天都有太陽出，唯有等太陽出多d，咁d霧會散咁d啦。終於王 天不負有心人，d霧散晒，連個太陽都好晒呀，可以影到靚相lu。



影完靚相，又趕住執行李搭車去美瑛喇。我地放低d行李0係單車舖，租左架單車踩去沿途睇風景。美瑛係一個 丘陵地帶，踩住架單車上斜個下都幾"金"，不過落斜個下又好爽喎，d風景就靚到殺死人啦。時間都幾趕，要搭 13:45班車去札幌再落函館，我地lunch就食火車便當。



去到函館都天黑啦，搵到酒店放低行李再去食飯。我地book左大山酒店，係上網搵0既，因為最平，所以都麻麻地。 跟住就去左食關西燒，食完飯都無地方行啦喇，因為都關晒門，返酒店休息。