2002年10月8日 火曜日 雨

今日全日都會0係札幌行街，因聽日就要去富良野啦，今日都係一路落住毛毛雨，我都未試過去旅行落 咁多雨，通常都係會晴天，可能我地暕10月去唔係好0岩喎。

第一個行程係去『札幌生活工房』，呢度以前係啤酒廠0黎0架，地方都幾大， 有分一條館二條館......，都係賣精品為主，0黎到札幌發覺，大部份精品都係一d玻璃製品或者係音樂 盒，我都買左好多呀，不過就大部份都係容易打爛0既0野，所以hand carry都拎死我啦。



時間尚早，我地行行下行番去市中心，都唔係好遠，不過差d迷路，襯個天停左一陣雨，就即刻去 『時計台』影番兩張相先，然後行去Tokyu Hands 買0野，真係好幣呀，雖然呢間Tokyu Hands無東京0個間咁大，但係都搵到我想買0既0野， 就係0係香港買唔到0既做手工用0既泥，我買左好多，都有成六七包， 拎到我個背脊就0黎斷啦，結果去JR站搵左個locker放低d 0野先可以繼續行。



Lunch都無plan好食d乜，咁經過見到一間叫『串家』0既鋪頭，見佢有 1000 yen 串燒放題食，咁咪走入去睇下law，好鬼好玩0架，自己出去拎d一串串0既生肉，跟住自己 撈粉漿，然後自己炸，第一次見有d咁好玩0既0野，好開心。

之後就行去札幌最長0既商店街『狸小路』，因為0念住之後都唔會再行札幌， 所以今日就0係呢度買曬d食0既手信，因為話呢度係最多最齊喎，結果又係拎死啦。之後去 『拉面橫丁』行下，但係都無食拉面呀，試下其他0野嘛，咁就去左一間0係地下商場叫 『和幸』0既鋪頭dinner，呢間係吉列炸物專門店，全店都只係食吉列炸物， 我叫左個拼盤有吉列炸蝦，吉列豬同埋吉列雞。