大家都未坐定，等都未準備好，個禮儀就突然間開始左，音樂奏起我就要開始行， 但一路行都一路被婚紗 click 住，所以都行到無曬美感了，我一路都有 d 緊張， 又驚住 d 朋友0黎左我無留意，又擔心落咁大雨一陣無得出去影相，所以有少少心不在弦。 到左要講我願意的時候，原本果幾句對白我同青瓜俠都背得好熟的，曾執事都放了一張大貓紙， 但我講的時候要望住青瓜俠，又睇唔到貓紙喎，加埋有 d 緊張，所以我都有少少疾口， 交換介指時我比錯左隻右手青瓜俠，oh，所以我係戴錯左介指去右手的 ( 到夜晚先發現 )， 仲有就係戴介指前除低的手套，之後到酒店先發現唔記得拎，好在亞雯行番去教堂幫我搵番咋。 禮儀完成後就係簽結婚證書，原本講好在祭台上面簽的，但曾執事又改了在台下簽， 但唔夠椅坐攪到我同青瓜俠都要企0係度簽，簽完名就係同大家影相，因為落雨唔可以出去門口影， 真係浪費曬呢間教堂個 view 了，在室內影場面有 d 混亂，又要趕住交個場比下一 pair 人， 我地又影得耐，有 d 遺憾係唔可以同 d 朋友傾下計，大家只影完相就要走了。 夜晚無擺酒只係擺了四圍同親戚食飯，酒樓都間左房比我地，我地又影相又敬茶仲有敬酒添， 做到好似擺酒咁，但人少少又幾好玩，起碼我唔會緊張，唔使趕住換衫換頭，個妝都唔使理盡情食0野， 原來叫普通晚飯套餐，價錢係抵過婚禮酒席好多，同埋 d 0野食係靚好多的，因為好早開席， 未夠 9pm 我地就食完走人了，我同青瓜俠搭車去酒店。