大日子終於到了，但個天一直落住大雨，全晚都在祈禱都無用，攪到心情都差了，仲晨早已經不停打電話比青瓜俠扭曬計， 不過天主的安排總有佢的原因，雖然我都唔明白個原因。 訓得唔多好所以今朝一早起身了，梳洗後就無咩好做等化妝師，媽咪同亞姨去了 set 頭，亞叔去左拎西餅， 家姐佢地又未0黎，竟然得番我一個人0係屋企，悶悶地我就開電腦打機 ( 幾咁無聊 )，化妝師好準時 9am 到， 即刻就開始化妝 set 頭了，之後亞肥同吸味果到，亞肥就忙住換衫同化妝，姊妹團到達後就忙住整道具， 亞玲小 v 到左就忙住攪 d 教堂物資。 化完妝我就換褂，輪到伴娘亞雯化妝，亞叔媽咪亞姨舅母表哥到左間屋就好多人，攝影師到達幫我地影左少少相， 就落樓下影青瓜俠佢地佈置花車，不過出面好似勁大雨喎，佢地在露天停車場佈置花車咪好幣，我一直在室內就一於好少理 lu。 青瓜俠 & 兄弟團上0黎接新娘，佢地同 d 姊妹先在門口攪一輪開門利是，然後就玩了一個小遊戲，我就在房等， 好快青瓜俠就拎住花球接我，影下相就開始續個長輩敬茶了。 敬完茶出發去青瓜俠屋企，我地架花車都好靚0架，就係我臨結婚前一星期先發現新出的大雄靜宜結婚公仔， 中式西式都買齊，好 sharp，花車的司機就係青瓜俠二佬即係伴郎，自己人渣車真係方便過用司機好多， 仲有租了架 28 人的 van 仔，好在佢架車夠大 ( 一般 van 仔 24 人 )，所有親友加埋係岩岩好坐滿。 去到教堂大家都好忙，要安排親戚先入坐好，又要 setup 個 reception，因為我攪到個 reception 好複雜， 真係辛苦曬亞玲小 v 同 d 姊妹了，d 朋友陸續咁0黎，因為上一場無人 book，曾執事原本想叫我地提早 15 min 開始的， 但見好多朋友都未到，可能因為太大雨，咁我想等埋 d 朋友先，所以都係照原定時間 3:30pm 開始。