在我細個仲未讀幼稚園0既時候，我已經好想好想返學，所以 媽咪就將幼稚園低班0既課本，全部教識我，入左幼稚園之後 ，我仍然係好鍾意讀書，每日放學返屋企我都要求媽咪聽我 讀書，媽咪每次都話：「咁你讀十次比我聽啦。」，但係我 就會話：「我想讀夠二十次。」。勤力加上小聰明，我0係三 年幼稚園0既成績都算幾好，每次都考到第一名，媽咪同老師 都話我又聰明又乖，其實我都有0念過，如果我第時可以有個 咁0既女，都幾開心0架。 但係始終都係細佬仔，都會貪玩，都會懶隋，由於我細個都 算有少少聰明，有時自己完全無溫書都可以有好成績，當我慢 慢開始發現原來自己d小聰明都幾好用0既時候 ...... 人就 開始變懶，持續懶惰後，好成績只可維持一段時間，慢慢 就越來越差，越來越懶，以致今日讀書唔成，懶惰繼續。 懶惰情況持續到中五會考，但係都比我過到關，升到預科， 但就最終過唔到A-Level喇，終於嘗試好嚴重0既挫折，之 後讀High Dip同埋Part-time Degree時，都開始慢慢比以前 勤力，有時都會0念下，如果我A-Level時有宜家一半0既 努力，就唔會咁差，就唔會比人地用多幾年時間啦。 但係0念下都係只係0念下，唔會真係改變到一條大懶蟲0架， 懶惰依然，懶惰繼續 ......