大家姐亞玲，山羊座，完完全全切合曬山羊座0既性格，文文靜靜， 正正經經咁啦。身為大家姐，絕對無大家姐惡霸作風，絕對唔會大蝦細， 反而特別聽話，特別乖，媽咪話幫手做家務，就多數都係由佢做， 我地呢d做細0既，通常都係扭下計仔，發下脾氣咁就唔使做0架啦。
我同二家姐0岩0岩相差三年，我讀幼稚園佢已經畢業，小學中學又唔 同學校，所以我唯一可以同佢地一齊讀書，就係我小學一年班時， 0個時大家姐就係六年級，咁日日返學放學佢都同我一齊，再唔會好似 幼稚園時要媽咪揍放學，覺得特別開心。偶然佢會帶我去行行書局， 或者買下零食，有一次放學佢仲買左個粉藍色鉛筆刨比我添。
二家姐亞肥，因為細個都幾肥，所以叫亞肥，佢同我年紀近d，唔會 有家姐0既感覺，關係似朋友多d，性格同我比較似，成日一齊玩一齊 作反一齊整蠱做怪。佢細個成日比爸爸鬧，通常都會連累我一齊被鬧。
仲有好多慘痛回憶0架 (我要大平反)，就係我好細個0既時候，有一日 佢無啦啦叫我拎住一條白色繩 (後來先知原來係蠟燭引)，跟住就即刻 點火喎，嘩，燒到隻手指黑左呀。仲有一次拎人地隻紫色玉扼玩，結 果跌爛左，咁佢就用膠紙痴番，同我講話無事喎 ...... 睇0黎我細 個都幾純品喎。
我地三個都算幾乖，不過都好活潑0架，當d大人唔0係屋企時，我地就 會發揮無窮0既遊戲天份，可以0念到好多新玩意：扮電子遊戲機玩 真人版『獅子出籠』，『高空擲物』，競技遊戲『夾波子』，『呼 拉圈大賽』，運動項目『壁虎功』，『用算盤踩滑板』...... 總之 包保新奇刺激，天天新款。
之後亞玲返中學，無咁多時間0係屋企，亞肥返下晝班， 我返上晝班，夜晚又要做功課，大家都無咁多時間玩，不過一到暑假 就又再作反lu，由於媽咪開始返工，咁我地0既活動就唔會再局限 0係屋企喇，會偷偷地落街，每日每人都會0係拎十蚊出0黎，通常都 係亞玲留0係屋企睇水，我同亞肥就負責落街買0野食，有一次亞肥仲 跌親整爛左條褲，攪到差d穿煲呀。
到左宜家兩個家姐都結左婚，唔同我一齊住，但係我地都會盡量爭取 見面0既機會，大家關係都仲係好密切，我同亞肥會成日一齊去旅行， 計計下都去過6次啦。
