這是新的『自我 100 點 version 2』，係從嵐的網站找來的，很好玩啊！
@2005-7-14001. 一生人以來第一個偶像： 梁朝偉 or 曾華倩，唔記得邊個先
002. 希望住怎樣的房子：交通方便，樓下有大商場，有會所泳池 gym 房，間屋有落地玻璃，有靚景
003. 天生是腸胃好的人嘛：都幾好，唔會成日肚痛，但就成日便便不通
004. 覺得自己自私嘛：當然有少少啦，正常人0黎0架嘛
005. 有邊個人曾經令你希望自己成為佢：都係果 d 屋企又有錢，樣又生得靚，成績又好，人緣又好果 d 人
006. 對香港的感覺是：熱，逼，嘈
007. 覺得自己會點死：病死
008. 有冇乜野事你好後悔當時做左呢個決定：無勤力讀書
009. 有冇睇過邊套戲令你久久不能平伏：衝上雲宵第一集
010. 你覺得你自己係一個偏向思想正面定負面既人：正面多 d
011. 現存最「古老」的記憶： K1 放學時扮訓覺等媽咪，被老師偷錫了一啖
012. 曾經自己一個人做過些甚麼事：赤柱拾石頭，睇戲，睇演唱會，搭飛機，在倫敦玩 ...... 很多吧
013. 有邊個明星你欣賞佢但係佢稱唔上係你「偶像」：劉德華
014. 有邊個明星稱得上係你偶像但其實你都唔係覺得佢咩太多野值得你欣賞：黎明
015. 討厭自己邊 d 性格：硬頸，怕瘀，懶，有時很怕事
016. 試過睇咩戲 or 電視劇睇到喊：很多，但要講又唔記得
017. 喜歡結識新朋友嘛：喜歡，但喜歡的程度好似比年青時減低左
018. 一件最近想擁有的奢侈品：Nintendo DS + 任天狗 + 無數的 games
019. 希望退休後有甚麼生活：大把錢不停去旅行，有孫玩但又唔使我揍
020. 對上一樣令你忍唔住講出一聲「好好味」的食物：築地的魚生 + 新鮮燒帶子
021. 小時候對世界有過些甚麼誤會： 很多，人太白痴嘛，其中一樣係如果踩到地上的黑點就會中地雷爆炸，唔明都唔好再問我
022. 首個令你有性幻想既明星：好似無 bor，我鍾意偶像係著重神交多 d
023. 對隆胸有咩感想：最憎大胸，因為胸大個人睇落都肥 d，其實都係怕肥
024. 好多人都話你唔應該咁做，但你冇後悔既事：好似好多時買0野都有呢個 feel，而果個『好多人』咪就係青瓜俠
025. 數得出一堆你願意更加珍惜佢地既朋友嗎：平時玩開果 d，大家心照嘛
026. 多唔多人你對佢有過好感但後來感到有D後悔：又唔係好多，講得出的得幾個
027. 遺傳了家人的甚麼特質：加拿大無毛 ( 明嗎？)，做0野要快靚正
028. 喜歡的遊戲：係咪玩具 or 集體遊戲呢？好多0架，層層疊，UNO，三級豬，接龍，麻雀，廿四，獎門人入面果 d 遊戲都鍾意
029. 有冇作過一 d 令你自豪同回味既決定：都無乜 bor，可能係應承左某人 d 咩事咁啦
030. 幾時開始清楚自己鍾意男仔定女仔：K3 時會約某男同學在家姐的小學門口等，因為佢家姐都係讀果間
031. 信唔信輪迴轉世： 唔信0架，信會上天堂
032. 愛情，友情，親情，請排序：親，友，愛 ( 青瓜唔會嬲掛 )
033. 甚麼讓你最恐懼：雞 or 家禽類
034. 有冇堅持使用邊 d 牌子既產品：細個有個理論，電視要睇無線唔睇亞視，雪糕要食牛奶公司唔食雪山 ...... 等無聊的堅持
035. 有冇邊 d 朋友你覺得 or 希望可以同佢熟 d，但實際上又未熟得晒：全部都想再熟 d
036. 幾歲時第一次鍾意異性 (或同性)：11 歲鍾意卡通片的男主角
037. 對怎麼的生活有過憧憬：有 d 閒工返下唔使咁悶，但就係賺錢買花戴果種，老細都奈我唔何
038. 較喜歡媽媽還是爸爸：差不多，媽媽多 d 掛
039. 甚麼讓你感到尷尬：在人面前出醜，講大話被人當面揭穿，同亞媽一齊睇電視突然播床上戲
040. 用十個字眼來描述的近來既生活：去完旅行好開心，好多計劃，返工忙，整網頁忙，倦，窮，少睇新聞，大食，無鬧交，無病痛
041. 而家諗返轉頭唔明自己點解當時要咁做既事： 買左 d 無聊0野
042. 曾經最深愛 or 敬愛過的三個對象：Gary Lineker，黎明，青瓜俠
043. 在網絡上有甚麼財產：Dummyhome 及其他一堆網頁，yahoo 的 email
044. 你有冇一 d 特異功能」：軟骨功，卡通人物的聲線
045. 有冇一個你以為實現到，但其實唔可以既「夢想」：每次對六合彩前都以為有機會中頭獎
046. 喜歡的品牌：Sony，SuperLover，Dr Ci-Labo，奇華月餅，Panish 芝士波，馬莎薯片
047. 你願意花時間學習些甚麼東西：乜都想學，心理學，書法，中醫學，電子琴，整網頁 ......
048. 最喜歡看異性的哪些部位：衣著算唔算部位
049. 你會唔會選擇一腳踏兩船：no way，too trouble
050. 有冇懷疑過自己既性取向：有少少，有時都會鍾意女仔
051. 只可以用一個詞語黎形容你自己既性格，你會用咩詞語： 貪玩
052. 對上一件由衷感到感動的事：青瓜俠買0野送比我
053. 曾經約會過不算熟絡的網友出來見面嘛：有呀，原來都好容易熟絡0架
054. 希望死後火化還是怎樣：是旦啦，死左唔關我事
055. 最近最煩惱的事是：皮膚差左
056. 有冇一個 moment 如果你做左另一 d 決定，就會大大影響左你既一生，有的話是甚事：轉工
057. 承上題，受到呢件事影響，你估計你既人生有咩唔同：工作前途上無咩唔同，分別係識左青瓜俠
058. 愛過的人中有些甚麼不堪的性格：對女朋友惡，對女朋友沽寒
059. 希望將來住係邊：沙田區，近屋企
060. 有咩事你一遇到就會覺得好噁心：吐痰，用手 meet d 鼻涕出0黎，嘔吐物，在車剪指甲，勁多頭油，臭狐
061. 從事過甚麼工作： 唔計暑期工，做過天文台清理雨桶，統計工作，電腦工作
062. 有咩人你好感激佢但唔好意思同佢講：老豆，媽咪，亞叔
063. 有冇曾經俾人偷過乜野：在灣仔街市比人偷左個手提電話
064. 經常講大話嘛：無乜0架，講0野好真，就算講都係講笑果種，唔 hurt 人
065. 覺得自己傾向是實際還是不設實際的人：當然係實際啦，最憎 d人不切實際發白日夢
066. 最希望睇到邊兩位藝人結成一對：肥肥 & 秋仔
067. 親友怎樣形容小時候的你：乖，聰明，得意
068. 算是怕悶的人嘛：一 d d 0野啦，平時都算係好怕悶，但玩幾個鐘頭接龍又唔覺悶
069. 你算是一個吝惜給予別人讚美的人嘛：又唔會太大方咁讚人，我怕羞嘛
070. 初次接觸電腦係幾時：apple 黑白機年代
071. 由細到大曾經希望過從事咩職業： 畫則師，消防員，建築師，開補習社，做老闆
072. 最有恆心做的一件事：在 dummyhome 寫日記
073. 曾經想過加入誰的 fans club：達明一派
074. 曾經希望過自己出生於邊 d 國家：細時睇西片就想生在美國，間屋有好大個花園
075. 依賴性強嗎：唔強，可以好獨立，成日依賴青瓜俠做野主因都係懶
076. 數得出三個令人有厭惡感的人嗎：舊老細 n 咁多個喎
077. 有冇同過邊 d 明星合照：郭啟華
078. 有幾多經常提及的香港地方你是從未去過的：好多，八仙嶺，龍脊，鯉魚門，杏花村，鴨利州，海防博物館，姻緣石
079. 有冇乜野「古怪」既習慣：訓覺要聞住枕頭仔，從來唔吐痰，食魚唔食皮
080. 人生當中暫時有邊 d 稱得上係轉捩點：轉行做電腦，識到青瓜俠
081. 父母曾經為你的甚麼而感到自豪： 細個讀書叻，繪畫比賽拎獎，中一升到第一志願，升到中六
082. 有冇乜野經歷到而家仲成日俾長輩提住：幼稚園第一日返學記得曬全班同學個名
083. 有沒有甚麼東西你的朋友都不喜歡，只有你一個喜歡：黃耀明
084. 有沒有甚麼東西你的朋友都喜歡，只有你一個不喜歡：食牛肉，燴蕃薯，化妝出街
085. 有冇邊個地方你去完聲稱以後都唔想再去：污糟的地方，悶死的地方，舊 office
086. 發生甚麼特別事第一個搵的朋友：青瓜俠，小瑩，小雯，蕃薯，Adelaide，羅老闆
087. 有冇特別喜歡邊幾個中文字：熊，瓜，正
088. 慣於「明戀」定「暗戀」：暗戀
089. 印象較深的電影對白：等我同你『扇』下先，我『笨』唔係垃圾
090. 有冇嘗試過訓練自己的非慣用手：有試過左手寫字，左腳跳高
091. 想變成另一個性別嘛： 唔想，做女仔輕鬆 d，一事無成都唔怕
092. 印象最深的小學同學：黃佩恩，黃可嘉，鄭詠詩
093. 係 icq 多數用咩 mode：online
094. 邊 d 地方令你有愉快既回憶：屋企，日本，北京，紅磡舊公司，學校
095. 邊 d 地方令你有不快既回憶：舊公司，老細間房，村巴，沙田中央公園，舊車
096. 有咩事你一遇到就會有莫名的厭惡感：噴二手煙，唔識寫的 program，污糟的廁所
097. 數出十樣最喜歡的東西：毛公仔，電腦，靚衫鞋，相機，旅行，整蛋糕，做手工，玩具，照片，dummyhome
098. 第一張擁有的 CD：唔記得 bor，因為舊時 d 碟係家姐買的
099. 曾經迷戀過邊 d 明星：要去到迷戀咁嚴重嗎，黃耀明，黃凱芹，黎明，Gary Lineker，Kevin Costner
100. 最近有咩口頭禪：死啦，離曬大譜，是旦啦